Qyrǵyzstanda alǵash ret Halyq quryltaıy ótedi

BІShKEK. Kabar-QazAqparat – Qyrǵyzstanda Halyq quryltaıy ótpek, dep habarlaıdy QazAqparat Kabar aqparat agenttigine silteme jasap.

Qyrǵyzstan prezıdenti Sadyr Japarovtyń «Halyq quryltaıyn shaqyrý týraly» Jarlyǵymen Halyq quryltaıy týraly ýaqytsha ereje bekitildi.

Qyrǵyz Prezıdentiniń baspasóz hatshysy Erbol Sultanbaev Sadyr Japarovtyń birinshi quryltaı ótkizý týraly sheshimin túsindirdi.

Onyń aıtýynsha, Qyrǵyzstan Respýblıkasy Konstıtýtsııasynyń 4-babyna sáıkes, Qyrǵyzstanda memlekettik bılik jalpy halyq saılaǵan prezıdentpen qamtamasyz etiletin halyq bıliginiń ústemdigi prıntsıpine negizdelgen.

«Qyrǵyz Respýblıkasynyń Konstıtýtsııasy men zańdaryna sáıkes azamattardyń respýblıkalyq jáne jergilikti mańyzy bar zańdardy talqylaý jáne qabyldaýǵa qatysýǵa quqyǵy bar. Qyrǵyz Respýblıkasynyń azamattary qoǵam men memleket isterin basqarýǵa tikeleı jáne óz ókilderi arqyly qatysýǵa quqyly. Azamattardyń memlekettik organdar men jergilikti ózin-ózi basqarý organdarynyń qyzmetine qatysty máseleler boıynsha, basqa da mańyzdy máseleler boıynsha quryltaılar ótkizýge quqyǵy bar.

Halyq quryltaıy – qoǵamdy damytýdyń baǵyttary boıynsha usynystar beretin áleýmettik-ókiletti, keńesshi, qadaǵalaýshy jınalys.

Foto: kg.kabar.kg