Qyrǵyzstanda «Álem arýynyń» ólimine kináli adam 10 jylǵa sottaldy
ASTANA. QazAqparat - Ystyqkól aýdandyq soty Chyngyz Kondýrbaevty Álem arýy Sánııa Shákirova qaza tapqan jol-kólik oqıǵasyna kináli dep tanyp, 10 jylǵa bas bostandyǵynan aıyrý jasazyna kesti. Bul jóninde «Kabar» agenttigine zardap shekken taraptyń qorǵaýshysy Rýstam Abdýraýfov málim etti, dep habarlaıdy QazAqparat.
Sondaı-aq, Shákirovanyń burynǵy kúıeý jigitine qaza tapqan áıeldiń anasyna 2 mln som kóleminde moraldyq ótemaqy tóleý mindetteldi.
«Kondýrbaev mas kúıinde jol apatyna ushyrap, oqıǵa ornynan jasyrynǵany úshin tolyqtaı kináli dep tanyldy. 10 jylǵa qonys kolonııasyna qamaldy. Sondaı-aq, 2 mln soma túrindegi moraldyq ótemaqy tóleıtin bolady», - dedi qorǵaýshy.
Sondaı-aq, zańger zardap shekken tarap bul somaǵa keliskenin jáne kelisimge qatysty shaǵym túsirmeıtinin jetkizdi.
Eske salaıyq, 2018 jylǵy 2 maýsymda Ystyqkól oblysynda jol apaty bolyp, Sánııa Shákirova qaza tapqan edi. Jol boıymen batysqa qaraı júrip kele jatqan taksı júrgizýshisi róldi basqara almaı, qorshaýǵa soǵylǵan. Kólikte taǵy da 2 adam boldy. Sánııa Shákirova oqıǵa ornynda kóz jumyp, jolaýshy men júrgizýshi jaraqat alǵan edi.
Keıinirek kóliktiń rólinde qaza tapqan áıeldiń burynǵy kúıeý jigiti bolǵany anyqtaldy. Júrgizýshi kólikti mas kúıinde basqarǵan.
