Qyrǵyzstanda aqsha aýdarymdaryna ózgeris engizildi

BІShKEK. Kabar - QazAqparat - Qyrǵyzstanda aqsha aýdarymy júıesin júzege asyrý erejesine ýaqytsha ózgeris engizildi. Bul týraly Qyrǵyz Ulttyq bankine silteme jasap Kabar agenttigi habarlady.

Agenttiktiń málimetinshe, Qyrǵyzstan aýmaǵyndaǵy tólem júıeleri shtattyq rejımde jumys isteıdi. Bul eldiń ekonomıkalyq qaýipsizdigin qamtamasyz etý jáne ishki valıýta naryǵyndaǵy jaǵdaıdy turaqtandyrý maqsatynda qabyldanyp jatqan shara ekeni aıtyldy. Ózgeris ýaqytsha jáne Qyrǵyzstan aýmaǵynda halyqaralyq aqsha aýdarymdary júıeleri boıynsha aqsha aýdarymyn alý valıýtasyna qoıylatyn talaptarǵa qatysty. Aqsha aýdarymyn jóneltýshi eldiń valıýtasymen alýǵa bolady.

Aqsha aýdarymyn basqa valıýtaǵa aıyrbastaý Qyrǵyzstan Respýblıkasynyń zańnamasyna sáıkes júzege asyrylady.