Qyrǵyzstanda aqpan aıynyń orta sheninde A/H1N1 tumaýynyń ekinshi tolqyny kútilýde

Bul týraly búgin jýrnalısterge Qyrǵyz Respýblıkasynyń densaýlyq saqtaý mınıstri Marat Mámbetov málim etti.

Mınıstrdiń aıtýynsha, qazirgi ýaqytta Dúnıejúzilik densaýlyq saqtaý uıymynan Qyrǵyzstanǵa «Tamıflıý» preparatynyń 40 myń dozasy tústi. «Oǵan qosa, jaqyn arada DSU bizge tumaýdyń atalmysh túrine qarsy 130 myń vaktsına beredi», - dedi M.Mámbetov.

Mınıstrdiń orynbasary Madamın Qarataevtyń aıtýynsha, 2010 jyly qańtardyń 1-indegi jaǵdaı boıynsha Qyrǵyz Respýblıkasynda A/H1N1 tumaýynyń zerthanalyq rastalǵan 288 oqıǵasy tirkeldi, onyń 262-si - jergilikti oqıǵa, 26-sy - syrttan ákelingen.

Jalpy alǵanda, respýblıkada «dońyz tumaýynan» basqa ınfektsııalyq aýrýlar boıynsha epıdemıologııalyq ahýal turaqty.