Qyrǵyzstanda «Abai Uii» mádenı-iskerlik ortalyǵy ashyldy
Búgin «Otandastar qory» kommertsııalyq emes AQ Qyrǵyz Respýblıkasynyń Ulttyq kitaphanasynyń bazasynda QR Aqparat jáne qoǵamdyq damý mınıstrliginiń qoldaýymen Qyrǵyzstanda turatyn otandastarmen kezdesý ótkizdi.
Júzdesýge «Otandastar qory» KEAQ prezıdenti Nurtaı Abyqaev, Qazaqstan Respýblıkasy Parlamenti Májilisiniń depýtattary Qazbek Isa, Maqpal Tájmaǵambetova jáne qazaqtar qaýymdastyǵynyń tóraıymy Gúlshat Asylbaeva, Qyrǵyzstannyń qazaq qaýymdastyqtarynyń ókilderi qatysty.
Іs-shara aıasynda Bishkek qalasynda «Abai Uii» mádenı-iskerlik úıiniń ashylý rásimi ótti.
«Abai Uii» ortalyǵy jumysynyń negizgi qaǵıdaty sheteldegi qazaq ulttyq mádenı ortalyqtaryn biryńǵaı jelige biriktirý, ulttyń mádenı murasyn nasıhattaý, sheteldik qazaqtarmen iskerlik jáne gýmanıtarlyq baılanystardy nyǵaıtý, qazaqstandyq bıznesti shetelde ilgeriletý, tarıhı Otanyna kóshýge nıet bildirgen otandastardy repatrıatsııalaýǵa daıyndaý bolyp tabylady.
Qazaqstan Respýblıkasy Elshiliginiń málimeti boıynsha, Qyrǵyz Respýblıkasynda 39 myńǵa jýyq etnıkalyq qazaq turady.
