Qyrǵyzstanda A/H1N1 tumaýymen aýyrýdyń 38 oqıǵasy tirkeldi
BІShKEK. Qarashanyń 17-si. QazAqparat /Evgenıı Novıkov/ - Qazirgi tańda Qyrǵyzstanda A/H1N1 tumaýymen aýyrýdyń 38 oqıǵasy resmı tirkeldi.
Bul týraly eldiń Densaýlyq saqtaý mınıstriniń orynbasary Sabyrjan Ábdikárimov habarlady.
Vedomstvonyń aqparaty boıynsha, alty naýqas statsıonarda em qabyldap jatyr, taǵy 32 adam saýyǵýlaryna baılanysty, aýrýhanalardan jazylyp shyqty. Joǵaryda atalǵan 38 oqıǵanyń 24-inde vırýsty eńbek mıgranttarynyń syrttan ákelgeni aıtylyp otyr. «Dońyz tumaýynyń» aldyn alý jáne baqylaýdy kúsheıtý máseleleri qazir úkimettik deńgeıde talqylanýda.
