Qyrǵyzstanda 94 adam COVID-19 ınfektsııasyn juqtyrǵan
BІShKEK. KABAR-QazAqparat - 30 naýryz kúngi jaǵdaı boıynsha Qyrǵyzstan Densaýlyq saqtaý mınıstrliginiń málimetinshe koronavırýs ınfektsııasyn juqtyrǵan 10 jańa jaǵdaı anyqtalǵan. Bul týraly Respýblıkalyq jedel shtab otyrysynda málim boldy, dep habarlaıdy QazAqparat Kabar agenttigine silteme jasap.
Onyń barlyǵy Jalal-Abad oblysynda anyqtalǵan. Osylaısha Qyrǵyzstanda COVID-19 dıagnozy rastalǵan 94 jaǵdaı tirkelgen. Olardyń 49-y – Jalal-Abad oblysynda, 33-i – Osh oblysynda, 7-eýi - Bishkek qalasynda, 3-eýi – Chýı oblysynda, 1-eýi – Batken oblysynda, 1-eýi – Naryn oblysynda.
Kabardyń málimetinshe, búginde Qyrǵyzstanda 1 459 adam observatsııalyq baqylaýda. Bul týraly brıfıngte birinshi vıtse-premer-mınıstr Qýbatbek Boronov habarlady.
Ol SOVID-19 ınfektsııasyn juqtyrǵandarmen baılanysta bolǵan adam sany - 7 307, olardyń 2 085-i birinshi sanattaǵy baılanysqa túsken adamdar (jaqyndary men otbasy músheleri), 5 222-si – ekinshi sanattaǵy baılanysqa túsken adamdar ekenin aıtty.
Boronovtyń aıtýynsha, observatsııalyq baqylaýdaǵy 1 459 adamnyń barlyǵy - aýrý juqtyrǵan patsıenttermen baılanysta bolǵan azamattar.
«Baılanysqan 1 954 adam anyqtaldy. Epıdemıologııalyq jumystan keıin bul san ózgeredi», - dedi ol.
