Qyrǵyzstanda 83 jastaǵy aqsaqal kempirin pyshaqtap óltirdi
ASTANA. QazAqparat - Qyrǵyzstannyń Osh oblysynda 83 jastaǵy qarııa kempirin pyshaqtap óltirdi, dep habarlaıdy 24.kg .
Osh qalasynyń Іshki ister basqarmasy qyzmetkerleri qandy oqıǵa ornyna birinshi jetken.
«Japalaq aýylyna jedel tergeý toby jiberildi. Polıtsııa qyzmetkerleri jol boıynda qanǵa boıalǵan belgisiz áıeldi kórgen. Ol 1938 jylǵy Arzıqan Murzaeva bolyp shyqty. Máıitti tekserý kezinde áıeldiń moıynynan pyshaqtalǵany anyqtaldy. Іzin sýytpaı atalǵan qylmysqa kúdikti 83 jastaǵy Tashpolot Murzaev ustaldy», - deıdi ІІB qyzmetkerleri.
Óz túsiniktemesinde qarııa mas kúıinde ashýǵa boı aldyryp, ózin ustaı almaı qalǵandyǵyn aıtqan.
«Sol kúni men azdap ishimdik ishtim. Asqa otyrǵan kezde báıbishemmen kerisip qaldyq. Men der kezinde ashýymdy basa almaı, pyshaqpen qulaq tusynan urdym. Osydan keıin ol aıqaılap kóshege júgirip ketti», - deıdi T.Murzaev.
Áıel kóshege kómek surap júgirgen, alaıda kóp qan joǵaltqan ol úıdiń aldyna qulap, qaza tapqan. Oqıǵa boıynsha qylmystyq is qozǵaldy. Kúdikti tergeý ızolıatoryna qamaldy.
