Qyrǵyzstanda 80 jastaǵy muǵalim dıplom alysymen jumystan bosatyldy
ASTANA. 5 shilde. QazAqparat - Qyrǵyzstannyń eń egde jastaǵy stýdenti, 80 jastaǵy joǵary oqý ornyn bitirgeni týraly dıplomyn aldy.
Alaıda qýanyshy uzaqqa sozylmady: dıplomy bar bilikti maman joǵary bilim týraly dılom qolyna tıgen kúnniń erteńine jumystan bosatyldy.
KTK habarlaǵandaı, Lıýdmıla Aleksandrovna sýret ónerinen sabaq beretin mektepte zeınetkerdi demalysqa jiberýdi jón kóripti. Onyń ornyna jas mamandy jumysqa qabyldaǵan. Jasy kelgen túlek kóz jasyn kól qylýda: «Men oqyp júrgenimde barlyǵy «saǵan munyń qajeti qansha» degen bolatyn. Al men bolsam, óz kúshime senip, osy jasymda bilim alýǵa shamam keledi dep qýanǵan edim. Maǵan «ótinish jaz» dedi. Men «qysqartýǵa ma» dep edim, «joq, óz erkimmen jumystan bosatýyńyzdy suraımyn» dep jaz» dedi».
Eń eresek stýdent ýnıversıtettegi oqýyn bitirgennen keıin joǵary bilimi bar maman retinde jaqsy jumysqa ornalasamyn dep sengen eken. Lıýdmıla Tıtovaǵa jalǵyz uly, ekinshi top múgedegin emdeý úshin aqsha aýadaı qajet. Alaıda sheneýnikter, birinshiden, jas mamandarǵa jol berý kerek, ekinshiden, mektep baǵdarlamasynda sýret óneriniń burynǵydaı mindetti pánderdiń qataryna kirmeıtindigin aıtqan.
Degenmen Bilim mınıstrligi zeınetkerge kómektesýge ýáde beripti. Sheneýnikter dıplomy bar mamandy balalarǵa bilim beretin jeke ortalyqtarǵa usynyp kórmekshi.
Eýrazııa birinshi arnasy
