Qyrǵyzstanda 556 medıtsına qyzmetkeri koronavırýs juqtyrdy
KABAR. QazAqparat - Qyrǵyzstanda sońǵy táýlik ishinde 10 medıtsına qyzmetkerinen koronavırýs anyqtalǵan, dep habarlaıdy Kabar.
Bul týraly búgingi brıfıng kezinde Qyrǵyzstan Respýblıkasy densaýlyq saqtaý mınıstriniń orynbasary Nurbolot Úsenbaev aıtty.
Sonyń ishinde Shý oblysynda – 4 adam, Osh qalasynda – 2 adam, Osh oblysynda – 1 adam, Bátken oblysynda – 1 adam jáne Ystyq kól oblysynda 2 adam indet juqtyrǵan.
Bir táýlikte statsıonardan 5 medıtsına qyzmetkeri jazylyp shyqqan.
Jalpy, Qyrǵyzstanda 556 medıtsına qyzmetkerinen COVID-19 anyqtalǵan, sonyń ishinde statsıonardan 387 adam jazylyp shyqty.
