Qyrǵyzstanda 5 adam qar kóshkininiń astynda qaza boldy
BІShKEK. QazAqparat - Qyrǵyzstanda 5 aýyl turǵyny joǵalǵan maldy izdep júrip qar kóshkininiń astynda qaldy. Qaıǵyly oqıǵa Djalal-Abad oblysynyń Jaıyq aýylynyń mańynda oryn alǵan.
Qurban bolǵandar qar kóshkininen tipti atpen shaýyp ta qashyp qutyla almaǵan. Qutqarýshylar olardyń múrdelerin birneshe táýlik boıy izdedi.
Búgin Qyrǵyzstan prezıdentiniń baspasóz qyzmetinen qaza bolǵandardyń otbasylaryna materıaldyq kómek kórsetiledi dep habarlandy.
Meteorologtardyń atap ótýinshe, bıylǵy qysta qar kóp tústi, kóptegen taýly asýlarǵa ótetin joldar qar kóshkininiń túsý qaýpine baılanysty jabylýda.
