Qyrǵyzstanda 40 myń tólqujat zańsyz berilgen
BIShKEK. QazAqparat - Búgin «Atam Meken» parlamenttik fraktsııasynyń otyrysynda Qyrǵyzstannyń ishki ister mınıstriniń orynbasary Qalybek Satyvaldıev elde zańsyz berilgen tólqujattardyń sany 40 myńǵa jetkenin málimdedi.
«Qyrǵyz azamattaryna tólqujattardy zańsyz berý boıynsha isterdi tergeý barysynda jeke basty kýálandyratyn zańsyz qujattardyń sany buǵan deıin habarlanǵandaı 30 myńǵa emes, 40 myńǵa jetkeni anyqtaldy», - dep málimdedi mınıstrdiń orynbasary.
Onyń aıtýynsha, 2014 jyldan bastap zańsyz berilgen tólqujattar faktisi boıynsha 21 qylmystyq is qozǵaldy, 11 adam jaýapkershilikke tartyldy, 2 adam úı qamaýynda otyr. Ustalǵan bir azamatqa qatysty is sotqa tapsyryldy. Іste kýáger retinde QR Memlekettik tirkeý qyzmetiniń basshysy Alına Shaıyqova suraldy.
Qyrǵyz tólqujattaryn zańsyz alǵandardyń arasynda buryn sottalǵan 58 azamat jáne izdeýde bolǵan 8 azamat bar. Q.Satyvaldıevtiń habarlaýynsha, qyrǵyz tólqujatyn zańsyz bergeni úshin deldaldarǵa 200 dollardan bastap 1,5 myń dollarǵa deıin tólegen.
