Qyrǵyzstanda 39 medqyzmetker koronavırýs juqtyrǵan
BІShKEK. KABAR – QazAqparat – Qyrǵyzstanda 10 sáýir saǵat 10:00-degi jaǵdaı boıynsha COVID-19 koronavırýs indetin juqtyrýdyń taǵy 18 oqıǵasy tirkelgen. Bul týraly brıfıng kezinde densaýlyq saqtaý mınıstriniń orynbasary Mamedın Qarataev málim etti, dep habarlaıdy QazAqparat Kabarǵa silteme jasap.
Osylaısha, elde koronavırýs ınfektsııasyn juqtyrǵandar sany 298 adamǵa jetken. Vırýsty jańa juqtyryp alǵandar arasynda bes adam – medıtsınalyq qyzmetkerler, dep málimdedi densaýlyq saqtaý mınıstriniń orynbasary.
Onyń aıtýynsha, qazirgi kezde elde COVID-19 dıagnozy qoıylǵan medıtsınalyq qyzmetkerler sany 39-ǵa jetken.
39 adam jazylyp, aýrýhanadan shyqty. Bes adam qaıtys boldy.
Densaýlyq saqtaý mınıstri orynbasarynyń aıtýynsha, qazirgi kezde statsıonarlarda koronavırýs dıagnozymen 254 adam jatyr, sonyń ishinde segiz adamnyń jaǵdaıy aýyr, dep habarlaıdy Kabar.
