Qyrǵyzstanda 32 úı sý astynda qaldy
ASTANA. QazAqparat - Qyrǵyzstannyń Ton aýdanynyń Aqsaı aýylynda kúshti tasqyn saldarynan 32 úıdi sý basty, dep habarlaıdy Kabar agenttigi.
Qyrǵyzstan Tótenshe jaǵdaılar mınıstrliginiń baspasóz qyzmetiniń málimdeýinshe, tabıǵı apattan zardap shekkender týraly aqparat joq.
Keshe tolassyz jaýǵan nóser saldarynan Kóksaı aýylynda 5,5 gektarlyq egindikti, Toǵyzbulaq aýylynda ishki joldardy sý shaıyp ketken.
Budan tys, Aqsaı aýylynda selden qorǵaý úshin soǵylǵan bógetti de sý buzyp ketken.
Bılik ókilderi tabıǵı apat saldarynan kelgen materıaldyq shyǵynnyń kólemin eseptep jatyr.
