Qyrǵyzstanda 30 shilde - koronavırýstan qaıtys bolǵandardy Ulttyq aza tutý kúni
BІShKEK. Kabar – QazAqparat – Qyrǵyzstanda 30 shilde koronavırýs ınfektsııasynan qaıtys bolǵandardy Ulttyq aza tutý kúni bolyp jarııalanady. Bul týraly Qyrǵyz respýblıkasynyń prezıdenti Sooronbaı Jeenbekov «Bırınchı radıoǵa» bergen suhbatynda málim etti, dep habarlaıdy QazAqparat Kabar agenttigine silteme jasap.
«Men bul týraly oılap júrgen edim. Ýaqytynan erte aıtqym kelmegen, biraq sol týraly sóz qozǵaǵannan keıin aıta ketken jón dep oılaımyn. 31 shilde kúni biz Qurban aıt merekesin toılaımyz. Al 30 shilde el boıynsha Ulttyq aza tutý kúni bolyp jarııalanady. Soǵan sáıkes jarlyq shyǵady», - dedi suraqtarǵa jaýap bergen Jeenbekov.
Memleket basshysy qaıtys bolǵan otandastarynyń otbasyna kóńil aıtty.
Búgingi kúni elde 32 124 COVID-19 ben pnevmonııa oqıǵasy tirkelgen. Onyń ishinde 19 203 naýqas jazylyp shyqsa, 1 249 naýqas kóz jumdy.
