Qyrǵyzstanda 30 bala koronavırýs juqtyrǵan
BІShKEK. KABAR – QazAqparat – Qyrǵyzstanda koronavırýs ınfektsııasynyń 280 jaǵdaıy rastalǵan. Olardyń 147-si – áıel, 133-i – er adam. Bul týraly Úkimet úıinde ótken brıfıngide Densaýlyq saqtaý mınıstriniń orynbasary Mademın Karataev málim etti, dep habarlaıdy QazAqparat Kabar agenttigine silteme jasap.
Onyń aıtýynsha, olardyń ishinde 15 jasqa deıingi 30 bala bar, ekeýi - bir jasqa deıingi sábı, 16-dan 19 jasqa deıingi - 11, 20-dan 35 jasqa deıingi – 71, 35-ten 55 jasqa deıingi 101, 55 jastan asqan 67 adam bar.
Sondaı-aq vedomstvonyń deregi boıynsha elde 34 medıtsına qyzmetkerinen koronavırýs rastalǵan.
Qyrǵyzstanda búgin COVID-19 vırýsyn juqtyrǵan taǵy 10 jańa oqıǵa tirkeldi. Elde koronavırýs juqtyrǵandardyń jalpy sany – 280-ge jetken. Olardyń 34-i – medıtsına qyzmetkeri. 25 adam emdelip, aýrýhanadan shyǵaryldy. Tórt adam aýrýdan kóz jumdy.
