Qyrǵyzstanda 25 mln somnyń uıaly telefonyn Qazaqstanǵa zańsyz áketpek bolǵan

BІShKEK. Kabar-QazAqparat – Qyrǵyz Respýblıkasynyń ekonomıkalyq qylmyspen kúres jónindegi memlekettik qyzmeti (EQKMQ) Qazaqstanǵa jalpy quny 25 mln som bolatyn uıaly telefondardy zańsyz áketý áreketin anyqtady. Bul týraly vedomstvonyń baspasóz qyzmeti málim etti, dep habarlaıdy QazAqparat Kabar agenttigine silteme jasap.

Alamýdýn jáne Ystyq-Ata aýdandarynyń EQKMQ Memlekettik shekara qyzmetiniń qyzmetkerlerimen birlesip elge taýarlardy zańsyz áketý men ákelýdi anyqtaýǵa jáne onyń jolyn kesýge baǵyttalǵan is-sharany júrgizdi.

Sonyń barysynda «Aq-Tilek Avtojol» baqylaý-ótkizý beketinde Qazaqstanǵa taýardy zańsyz áketpek bolǵan «Lexus GX470» markaly avtokólik ustaldy.

Atalǵan avtokólikti tintý kezinde jalpy quny 25 mıllıon som bolatyn qymbat uıaly telefondar tabyldy. Olardyń markasy: Aıfon 12, Aıfon 11, Aıfon 10, Aıfon 7, Aıfon 6, Aıfon SE, Aıfon qalamdary, Aıfon, Samsýng Z, Redmı 9, Poko H9 qulaqqaptary - 20 dana.

Atalǵan fakti tirkeldi. Tergeý júrip jatyr.