Qyrǵyzstanda 2 ret jer silkindi
NUR-SULTAN. QazAqparat - Qyrǵyzstanda 3 jáne 3,5 baldyq jer silkinisi tirkeldi. Bul týraly QazAqparat Qyrǵyzstannyń Kabar aqparattyq agenttigine silteme jasap habarlaıdy.
Qyrǵyzstan Respýblıkasy Ulttyq ǵylym akademııasy seısmologııa ınstıtýtynyń málimetinshe, 8 qyrkúıek kúni saǵat 21:04-te Qyrǵyzstan men Ózbekstan shekarasynda qýaty 3,5 baldyq jer silkinisi tirkelgen. 2,5 baldyq jerasty dúmpýleri Pýlgon, Qadamjaı aýyldarynda sezilgen.
9 qyrkúıek kúni saǵat 05:57-de Osh oblysynda da qýaty 3 baldyq jer silkinisi tirkeldi. Jerasty dúmpýleri (2 ball) Jar-Bashy, Qara-Shybaq aýyldarynda da sezildi.
Aldyn ala málimetter boıynsha, qaza tapqandar men zardap shekkender joq.
