Qyrǵyzstanda 17 jastaǵy bozbala syrqat inisin pyshaqtap óltirdi
BІShKEK. KABAR-QazAqparat –Qyrǵyzstanda 17 jastaǵy bozbala syrqat inisin pyshaqtap óltirdi, dep habarlaıdy QazAqparat Kabar agenttigine silteme jasap.
17 naýryz kúni Bishkek qalasy, Pervomaıskıı aýdandyq ishki ister bóliminiń «102» nómirine Mýras-Ordo turǵyn alabynda jekemenshik turǵyn úıden kámelettik jasqa jetpegen balanyń múrdesi tabylǵany habarlanǵan.
Kóz jumǵan bala 13 jasta bolǵan. Týystarynyń baıandaýynsha, talma aýrýyna shaldyqqan jasóspirim únemi kútimdi qajet etken. Sol kúni tańerteń ata-anasy jumysqa ketip, balany 17 jastaǵy aǵasyna tapsyryp ketken.
Anyqtalǵandaı, balanyń óli denesin jumystan oralǵan anasy kórip, tártip saqshylaryn shaqyrtqan. Ol ýaqytta úlken aǵasy úıde bolmaǵan. Keıin ol qashyp júrgen jerinen qamys arasynan tabyldy.
Ustalǵan bozbala úıde inisine jaraqat salyp, jýyp-shaıǵan pyshaǵyn kórsetken. Málim bolǵandaı, aǵaıyndylar arasynda janjal týyndaǵan. 13 jastaǵy bala jaraqattary saldarynan esin jınamastan mert boldy.
Tergeý amaldary jalǵasyp jatyr.
