Qyrǵyzstanda 150 balany asyrap ósirgen ájeı qaıtys boldy
ASTANA. QazAqparat - Qyrǵyzstanda 91 jasyna qaraǵan shaǵynda Toktogon Altybasarova esimdi keıýana dúnıeden ozdy.
Ol ekinshi dúnıejúzilik soǵys kezinde fashısterdiń blokadasynda qalyp qoıǵan 150 balany asyrap alǵan edi.
El basyna kún týǵan qıyn-qystaý kezde tylda júrip osyndaı erliktiń eren úlgisin kórsetken, jat qursaqtan shyqqan 150 balaǵa analyq meıirimin tókken keıýananyń qazasyna baılanysty Qyrǵyzstan prezıdenti Almazbek Atambaev onyń týǵan-týystaryna kóńil aıtty.
Ystyqkól oblysyna Lenıngradtan ákelingen balalardy bólý kezinde onyń jasy bar-joǵy 16-da bolatyn. Soǵystan keıin asyrap alǵan balalary jan-jaqqa ketti. Asyrap alǵan balalarynan bólek maıdanger kúıeýinen segiz bala, 23 nemere jáne 13 shóbere tárbıeledi. Keıýana Ystyqkól oblysyndaǵy óziniń týǵan Qurmenti aýylynda jerlendi, dep jazady islam.kz.
