Qyrǵyzstanda 15 qazanda prezıdent saılaýy ótedi
ASTANA. QazAqparat - Qyrǵyzstan prezıdenti Almazbek Atambaev «Prezıdent jáne Jogorký Kenesh depýtattaryn saılaý týraly» zańǵa qol qoıdy. Zańǵa sáıkes, prezıdent saılaýy 2017 jyldyń 15 qazanynda ótedi, dep habarlaıdy Kabar.
Qujatqa sáıkes, zań «qatań tizim» baǵytynda úlken qadam jasap jatyr. Úmitker depýtattyq mandat ókilettigin toqtatý týraly, Jogorký Keneshtiń (Parlament) depýtattyǵyna úmitkerler tiziminen shyǵý týraly jazbasha ótinishti jeke usynýy qarastyrylady. Zańda jasy 35-ke jetpegen 5 úmitkerden kem emes jáne alǵashqy 50 úmitkerdiń tiziminde túrli etnıkalyq toptarǵa jatatyn 5 úmitkerdiń bolýy «mindetti» ekendigi kórsetilgen (sońǵy redaktsııasynda: birinshi 65 úmitkerdiń tizimi).
Sondaı-aq, burynǵy zańda kórsetilgen áıelderge arnalǵan kvota, ıaǵnı áıel-depýtat óziniń mandatynan bas tartsa, onyń ornyna áıel-depýtattyń ornyn basa turýy nemese kerisinshe, er-depýtat mandatynan bas tartsa, tıisinshe er-depýtattyń ornyn basa turýy ózgerissiz qaldyrylǵan.
Sondaı-aq, prezıdenttikke úmitkerler úshin saılaý kepiliniń mólsheri 100 myń somnan 1 mıllıon somǵa deıin ulǵaıtylǵan. Qujatta parlamenttik saılaýǵa qatysatyn saıası partııalardyń saılaý shegi 7-den 9 %-ke ósken. Bul norma partııalardyń birigýi men nyǵaıýy úshin engizildi jáne ol 2020 jyldyń 1 qańtarynan bastap iske qosylady.
