Qyrǵyzstanda 111 jekemenshik klınıka jabylady

NUR-SULTAN. QazAqparat - Qyrǵyzstanda lıtsenzııalyq talaptardy oryndamaǵan 111 jekemenshik klınıka jabylady, delingen Qyrǵyzstan Respýblıkasy Densaýlyq saqtaý mınıstrliginiń baspasóz qyzmetiniń málimdemesinde. Bul týraly QazAqparat Kabar aqparat agenttigine silteme jasap habarlaıdy.

Taratylǵan málimet boıynsha, bıylǵy jyldyń 6 sáýirinde eldiń Densaýlyq saqtaý mınıstrliginde jekemenshik medıtsına uıymdarynyń lıtsenzııalyq talaptarǵa sáıkestigin tekserý jónindegi komıssııa quryldy. Respýblıka boıynsha barlyǵy 370 emhana/kabınet tekserilgen.

Onyń qorytyndysyna sáıkes, medıtsınalyq qyzmet túrlerin kórsetýge arnaıy lıtsenzııasy joq nemese qyzmeti lıtsenzııa talaptaryna sáıkes kelmeıtin mekemelerdiń jabylýyna qatysty 111 akt túzildi.

Infektsııalyq baqylaý standarttaryn saqtamaǵany úshin 148 jeke kabınet/emhanaǵa qatysty sanıtarlyq-epıdemıologııalyq uıǵarym shyǵarylyp, aıyppul salynady. Memlekettik sanıtarlyq-epıdemıologııalyq qadaǵalaý ortalyqtaryna shara qoldaný jóninde nusqaýlyqtar jiberildi.