Qyrǵyzstanda 11 adamnan «dońyz tumaýy» anyqtaldy
ASTANA. Qarashanyń 5-i. QazAqparat - Qarashanyń 4-degi jaǵdaı boıynsha Qyrǵyzstanda A/H1N1 tumaýymen aýyrǵandardyń sany 11 adamǵa jetti,
oǵan qosa maýsymdyq tumaýǵa shaldyqqandardyń da qatary kún saıyn ósip keledi. Bul týraly Qyrǵyzstannyń Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý departamentiniń basshysy Tolon Ysqaqov beısenbi kúni jýrnalısterge málim etti, dep habarlaıdy «RIA «Novostı» agenttigi.
T.Ysqaqovtyń aıtýynsha, naýqastardyń barlyǵy aýrýhanaǵa jatqyzyldy, aýyr jaǵdaılar joq. Olardyń jeteýi Qyrǵyzstanǵa osydan birneshe kún buryn Máskeý-Bishkek poıyzymen kelgen. Qalǵandary vırýsty syrttan kelgenderden juqtyryp alǵandar. Naýqastarmen qarym-qatynastaǵylardyń barlyǵy dárigerlerdiń baqylaýyna alyndy.
