Qyrǵyzstanda 11 adam túıneme juqtyrǵan
BІShKEK. QazAqparat - Qyrǵyzstannyń Jalalabat oblysynda túıneme juqtyrdy degen joramalmen 11 adam aýrýhanaǵa jatqyzyldy. Bul týraly Qyrǵyz Respýblıkasynyń Densaýlyq saqtaý mınıstrliginiń baspasóz qyzmetine silteme jasap Kabar agenttigi habarlaıdy.
Mınıstrlik ókilderi úsh áıel jáne segiz er adamnyń naýqas ekenin rastaǵan.
«Mamandar klınıkalyq dıagnozdy rastady. Laboratorııada zertteý úshin synamalar alyndy. Naýqastardyń barlyǵy et salynǵan tamaq jegen. Biraq dál dıagnozdy laboratorııalyq zertteýler anyqtaıdy. Aýrýhanadaǵylardyń jaǵdaıy turaqty. Olarǵa qajetti em-dom jasalyp jatyr», - delingen habarlamada.
Densaýlyq saqtaý mınıstrliginiń ókilderi túıneme juqtyrǵandardyń barlyǵy mal soıýǵa qatysqanyn aıtady.
