Qyrǵyzstanda 10 qańtar kúni Prezıdent saılaýy ótedi
BІShKEK. KABAR - QazAqparat – Qyrǵyzstanda merziminen buryn prezıdenttik saılaý 2021 jyldyń 10 qańtaryna belgilendi. Mundaı sheshim Ortalyq saılaý komıssııasynda qabyldandy. Bul týraly «Kabar» agenttigine OSK tóraǵasynyń orynbasary Ábdijapar Bekmatov málim etken, dep habarlaıdy QazAqparat.
Otyrys barysynda Ortalyq saılaý komıssııasynyń tóraǵasy Nurjan Shaıldabekova málim etkendeı, prezıdenttiń otstavkasynan keıin elde merziminen buryn saılaý úsh aı ishinde ótýi tıis.
Qyrǵyzstan zańyna sáıkes, eger Parlament prezıdenttiń ókilettigi toqtalyǵannan keıin bir apta ishinde kezekten tys prezıdenttik saılaýdy belgileıtin bolsa, onda kelesi kúni saılaý resmı taǵaıyndalǵan bolyp esepteledi.
Osyǵan oraı, saılaýdy 2021 jyldyń 10 qańtarynda ótkizý usynyldy.
«OSK músheleri usynysty qoldady», - dedi Bekmatov.
