Qyrǵyzstan Júsip Balasaǵunnyń 1000 jyldyǵyn atap ótýde
ASTANA. QazAqparat - Ystyq kól jaǵalaýynda Qyrǵyz Respýblıkasynyń prezıdenti apparaty janyndaǵy «Mýras» qorynyń uıymdastyrýymen «Qyrǵyz jáne Qarahan qaǵanattary: Júsip Balasaǵunnyń «Qutty biligi» ─ H-HІ ǵǵ. Ortalyq Azııadaǵy musylman renessansynyń aınasy» atty V halyqaralyq ǵylymı-tájirıbelik konferentsııa bastaldy, dep habarlaıdy TWESCO saıty.
Halyqaralyq jıyn túrki jurtynyń oıshyl danyshpany Júsip Balasaǵunnyń 1000 jyldyq mereıtoıyna arnalyp otyr.
Konferentsııanyń ashylý saltanatynda Túrki akademııasy halyqaralyq uıymynyń (TWESCO) basshysy Darhan Qydyráliniń quttyqtaý hatyn uıym qyzmetkeri Nurbolat Bógenbaev oqyp berdi.
3 kúnge sozylatyn jıynda birneshe memleketten jınalǵan kórnekti ǵalymdar men túrkitanýshylar 4 ǵylymı sektsııa boıynsha baıandamalar oqyp, keleli pikirlerin ortaǵa salady.
Aıta ketý kerek, TWESCO da Júsip Balasaǵunnyń 1000 jyldyq mereıtoıyna tartý retinde uly oıshyldyń «Qutadǵý bilik» dastanyn jarııalap, birqatar halyqaralyq is-sharalar ótkizdi.
Foto / Joomart Ýraımov
