Qyrǵyzstan júk tasymalyn baqylaý úshin navıgatsııalyq plombalar qoldanady
BІShKEK. QazAqparat - Qyrǵyzstan parlamenti Eýrazııalyq ekonomıkalyq odaqta júk tasymalyn qadaǵalaý úshin navıgatsııalyq plombalardy qoldaný týraly kelisimdi ratıfıkatsııalady, dep habarlaıdy QazAqparat menshikti tilshisi Qyrǵyz Respýblıkasy Jogorký Keneshiniń saıtyna silteme jasap.
Kelisim EAEO ishki shekaralarynda baqylaý sharalaryn barynsha azaıtýǵa jáne múshe memleketterdiń tranzıttik tartymdylyǵyn arttyrýǵa, sondaı-aq Odaq aýmaǵyndaǵy taýarlardyń qadaǵalanýyn jáne olardyń zańdy aınalymyn qamtamasyz etýge baǵyttalǵan.
Navıgatsııalyq plombalar EAEO-qa múshe elderdiń aýmaǵy boıynsha sanktsııalyq taýarlardy, alkogol jáne temeki ónimderin tasymaldaıtyn avtomobıl jáne temirjol kólikterine ornatylady. Ár plomba nómirlengen ári bir ret qoldanylatyn bolady.Foto: 4esnok.by
