Qyrǵyzstan Jırınovskııge ashýly
BІShKEK. QazAqparat - Qyrǵyzstannyń Syrtqy ister mınıstrligi reseılik depýtat Vladımır Jırınovskııdiń sózine baılanysty resmı málimdeme jasaýǵa nıetti. Bul týraly QR SІM Erlan Ábdildaev málimdedi.
«Buǵan deıin de reseılik saıasatker osy ispettes málimdemeler jasaǵan bolatyn. Odan keıin ony «persona non grata» dep jarııalaǵan. Onyń sózderinde emotsıonaldyq sıpat basym. Osyndaı dárejedegi memleket qaıratkeri abaılap sóılegeni abzal», - dedi E.Ábdildaev. Esterińizge sala keteıik, RF Memlekettik dýmasynyń depýtaty, LDPR fraktsııasynyń kóshbasshysy V.Jırınovskıı jýyrda búkil Orta Azııa elderin Orta Azııalyq federaldy okrýg retinde Reseı quramyna engizý kerek dep resmı málimdeme jasaǵan bolatyn.
