Qyrǵyzstan ulttyq telekompanııasynyń basshysy jol apatynan soń aýrýhanaǵa jetkizildi
ASTANA. QazAqparat - Qyrǵyzstan qoǵamdyq teleradıokompanııasynyń (QTRK) bas dırektory Ilım Karypbekov jol-kólik apatyna ushyrady. Karypbekov Bishkektegi aýrýhanalardyń biriniń jansaqtaý bólimine jetkizildi, dep habarlaıdy TASS.
Respýblıkanyń densaýlyq saqtaý mınıstrligi habarlaǵandaı, Karypbekovke jedel hırýrgııalyq ota jasalynady. Oǵan jasandy tynys alý qurylǵysyn qoıdy. Qazirgi tańda zardap shegýshiniń jaǵdaıyn qalalyq aýrýhanadaǵy bilikti mamandar óz baqylaýynda ustap otyr.
«Karypbekov qazirgi tańda tórtinshi qalalyq aýrýhanada jatyr, ol jerge jedel-járdem kóligi jetkizgen. Onyń jaǵdaıy birqalypty aýyr bolyp tur», - dep atap ótti mınıstrlikte.
«Atalmysh jol-kólik apatynyń sebebi qazirgi tańda anyqtalýda», - dep túsindirdi Bishkektiń ІІBB-de.
