Qyrǵyzstan ulttyq banki shetel valıýtasymen jasalatyn operatsııalarǵa shekteý qoıdy
BІShKEK. QazAqparat - Qyrǵyzstan Ulttyq banki shetel valıýtasymen aıyrbas operatsııalaryn júrgizýge ýaqytsha shekteý qoıý jóninde qaýly qabyldady, dep habarlaıdy QazAqparattyń menshikti tilshisi qarjy retteýshisine silteme jasap.
Bul sheshim memlekettiń ekonomıkalyq qaýipsizdigin qamtamasyz etý, ishki qarjy naryǵyna keri áser etetin faktorlardy barynsha azaıtý maqsatynda qabyldandy.
Qaýly buzylǵan jaǵdaıda kommertsııalyq bankterge jáne aıyrbastaý pýnkterine lıtsenzııadan aıyrý, sondaı-aq tıisti laýazymdy tulǵalarǵa yqpal etý sharalary qoldanylady.
Buǵan deıin habarlaǵanymyzdaı, álemdik oqıǵalarǵa baılanysty eldiń ishki valıýta naryǵynda qolma-qol AQSh dollary tapshylyǵy bolǵan.
Qyrǵyzstandyqtar dollardy aıyrbastaý pýnkterinde de, kommertsııalyq bankterde de satyp alý máselesine tap boldy.
Foto: nbkr.kg
