Qyrǵyzstan UQShU-dan Ózbekstanmen shekarada týyndaǵan daýdy sheshýdi surady
ASTANA. QazAqparat - Bishkek UQShU-dan Ózbekstanmen shekarada týyndaǵan daýdy sheshýdi surady, dep habarlady RIA Novostı Qyrǵyzstannyń premer-mınıstri Temir Sarıevke silteme jasap.
Eki eldiń shekarasyndaǵy jaǵdaı juma kúni Jalal-Abad oblysy Chalasart jerindegi qyrǵyzstandyq-ózbekstandyq shekaradaǵy daýly jerge ózbekstandyq tarap 40 áskerı qyzmetshileri men bronetehnıkany jóneltkende ýshyǵa tústi. Sondaı-aq Ózbekstan Kerben - Alabuqa tas jolynda ótkizý beketin qoıdy. Jaýap retinde Qyrǵyzstan da tıisti sharalardy qabyldady.
Qyrǵyzstan Ózbekstannyń daýly aımaqtan tehnıka men áskerılerin áketýdi surady.
Ózbekstannyń memlekettik shekarany qorǵaý boıynsha komıteti «atalǵan tehnıka Ózbekstan aýmaǵynda turǵanyn, al memlekettik shekara ýchaskelerin kúzetý eki jaqty kelisimderge sáıkes júrgizilip jatqanyn» aıtty.
"UQShU kómegine júginip, olarmen keńesip jatyrmyz. Belgilenbegenýchaskeler halyqaralyq standarttarǵa saı bekitilip, bul talapty eshkim buzbaýy tıis ", - dedi Sarıev.
Ol Qyrǵyzstan kórshilerimen tepe-teń dárejede kelissózder júrgizýge daıyn ekenin jetkizdi.
Qazir uzyndyǵy 1,3 myń shaqyrymdy quraıtyn qyrǵyzstandyq-ózbekstandyq shekarada bir ǵana "Qyzylqııa" ótkizý beketi istep tur. Ol Soh jáne Shahımardan ózbekstandyq anklavalardyń turǵyndaryn ótkizýge arnalǵan. Jýyrda taraptar aýmaqqa jóneltilgen áskerılerdiń sanyn azaıtyp, jaǵdaıdy sál jaqsartty, dep jazdy
