Qyrǵyzstan Úkimeti janar-jaǵarmaı baǵasyna memlekettik retteýdi engizý múmkindigin qaraýda
BІShKEK. 19 shilde. QazAqparat /Arnur Rahymbekov/ - Qyrǵyzstandaǵy janar-jaǵarmaı tapshylyǵyna baılanysty el úkimeti birinshi vıtse-premer-mınıstr Ómirbek Babanovtyń tóraǵalyq etýimen keńes ótkizdi.
Habarlanyp otyrǵandaı, qyrǵyz úkimeti janar-jaǵar maı materıaldarynyń baǵasyna memlekettik retteý engizý máselesin qarap jatyr. Reseı úkimetimen janarmaı jetkizý máselesi boıynsha kelissózder júrgizilýde.
Qazirgi tańda Qyrǵyzstannyń janarmaı beketterinde A-92, A-96 markaly benzınder lımıttelgen kólemmen - 10 lıtr benzınnen ǵana satylyp jatyr. Onyń ústine benzın men dızel otyny 10-15 paıyzǵa qymbattaǵan.
