Qyrǵyzstan úkimeti oń jaq rýldi kólikterdi ákelýge tyıym salýdy qarastyrýda
BІShKEK. QazAqparat - Qyrǵyzstan Úkimeti aldaǵy aptada oń jaq rýldi kólikterdi elge ákelýge tyıym salý týraly ІІM bastamasyn qaraıdy.
Eldiń mınıstrler kabınetinde bolǵan otyrysta «Qyrǵyzstan Respýblıkasyndaǵy jol qozǵalysy týraly» zańǵa engiziletin túzetýler talqylandy. Olardyń ishinde oń jaq rýldi kólikterdi syrttan ákelýge tyıym salý qarastyrylǵan.
Premer-Mınıstr Joomart Otorbaev bul másele boıynsha úkimet músheleriniń pikiri qoǵamdyq tyńdaýlardan keıin saýalnama ádisimen jınalatyn bolady dep habarlady. J. Otorbaev ádilet mınıstrligine ІІM bastamasyna óz qorytyndysyn berýdi tapsyrdy.
Qyrǵyzstanǵa aıyna 20 myńǵa deıin avtomobıl ákelinedi, onyń teń jartysy Japonııada shyqqan oń jaq rýldi kólikter.
Eske sala ketsek, 2013 jylǵy kóktemde Qyrǵyzstannyń Jogorký Keneshi oń jaq rýldi avtokólikterdi kommertsııalyq maqsatta, júkter men jolaýshylar tasymaldaý úshin paıdalanýǵa tyıym salatyn zań qabyldaǵan bolatyn. Soǵan qaramastan, kóptegen jekemenshik jeńil kólikter men avtobýstar taksı retinde jolaýshylar tasymalymen áli de aınalysýyn jalǵastyryp keledi.
