Qyrǵyzstan Úkimeti: Oba aýrýynyń kórshi elderge taralý qaýpi joq
ASTANA. 29 tamyz. QazAqparat - Sársenbi kúni Qyrǵyzstan Respýblıkasynyń Úkimeti resmı túrde Ystyqkól oblysynyń Ichke-Jergez aýylynda bolǵan qaıǵyly jaǵdaıǵa baılanysty onyń kórshi elderge qaýpi joq ekendigin málimdedi.
Jekeleı alǵanda, QR Úkimetiniń aqparattyq qamtamasyz etý apparaty bólimi 22 tamyz kúni Aq-Sý aýmaqtyq aýrýhanasynda «obanyń býbondy formasy» dıagnozymen túsken 15 jastaǵy Ichke-Jergez aýylynyń 15 jastaǵy turǵyny Temirbek Isaqunov kóz jumdy.
Qazirgi ýaqytta onymen baılanysqa túsken 162 tulǵa medıtsına qyzmetkerleriniń baqylaýynda. Olar aldyn alý sharalary negizinde antıbıotıkoterapııadan ótip jatyr. Osy aýrýǵa uqsas jaǵdaılar tirkelgen joq.
Sársenbi kúni keıbir buqaralyq aqparat quraldary osy aýrýdyń belgilerimen keminde jeti adam dárigerlerdiń shuǵyl baqylaýyna alyndy dep habarlady.
Eske sala ketsek, Qazaqstannan Qyrǵyzstanǵa QR Densaýlyq saqtaý mınıstrliginiń jarlyǵy boıynsha testileý men zertteý júrgizý úshin dıagnostıkalyq preparattary bar mamandardan quralǵan brıgada jiberildi.
