Qyrǵyzstan úkimeti Mınskiden Q. Bakıevti qaıtarýdy talap etpek
ASTANA. Sáýirdiń 23-i. QazAqparat - Qyrǵyzstannyń ýaqytsha úkimeti Mınskiden eks-prezıdent Qurmanbek Bakıevti, sol úshin quqyqtyq negizder qajet bolǵan kezde ǵana, qaıtarýdy talap etpek.
«Buǵan negizder qalaı ázir bolady, respýblıka dıplomattary Mınskige tıisti nota jóneltpek», - dep, elshi Ishenqul Boldjýrovanyń málimdemesine silteme jasaı otyryp, Mınskidegi qyrǵyz elshiliginen RBK agenttigi habarlaıdy.
«Búgin Mınskide elshi quqyqtyq negizder qalaı ázir bolady, elshilik dıplomatııalyq arnalar boıynsha Q. Bakıevti qaıtarýdy ǵana emes, oǵan izdeý salýdy da talap etetin bolady», - dep atap kórsetti Belarýstegi qyrǵyz dıplomatııalyq mıssııasynyń baspasóz hatshysy.
Ol qazirgi ýaqytta Q. Bakıevke qatysty qylmystyq is qozǵalǵan joq, ázirge mundaı ister tek onyń 23 seriktesterine qatysty ǵana qozǵaldy, dep túsinikteme berdi. Aıyptaýlar sáýir aıynyń basyndaǵy tártipsizdikter kezindegi sherýshilerdiń jappaı opat bolýymen baılanysty órbýde.
