Qyrǵyzstan Úkimeti Keden odaǵyna ený úshin belsendi jumys isteýge múddeli
BІShKEK. Qyrkúıektiń 21-i. QazAqparat /Arnur Rahymbekov/ - Bishkekte Qyrǵyzstan Respýblıkasynyń birinshi vıtse-premeri Amangeldi Muralıevtiń Taıaý Shyǵys jáne Ortalyq Azııa elderindegi departament dırektory Devıd Oýennyń tóraǵalyǵyndaǵy Halyqaralyq valıýtalyq qor múshelerimen kezdesýi bolyp ótti.
Qyrǵyzstan úkimetiniń ókili Halyqaralyq valıýtalyq qormen aradaǵy yntymaqtastyq deńgeıiniń qanaǵattanarlyq ekendigin atap ótti.
A.Muralıev Halyqaralyq Valıýtalyq qordyń atqarýshy keńesine jaqynda el ishinde bolǵan saıası oqıǵalardyń keri áseriniń aldyn alýǵa kómektesý maqsatymen Qyrǵyzstan Respýblıkasy úshin jedel nesıelendirý tetikteri aıasynda 33,73 mıllıon AQSh dollaryn bólý jónindegi máseleni qoldaǵany úshin alǵysyn aıtty. «Bul el ekonomıkasyn retteý men turaqtandyrýda aıtarlyqtaı kómek», - dep atap ótti ol.
A.Muralıev Halyqaralyq valıýtalyq qor ókilderin eldegi ekonomıkalyq jaǵdaı men aldaǵy parlamenttik saılaý týraly aqparattandyrdy.
Sonymen qatar, A.Muralıev Qyrǵyzstannyń Keden odaǵyna enýine qatysty josparlarymen bólisti. «Bizdiń memleket Reseı, Belarýs jáne Qazaqstannyń Keden odaǵyna qosylý nemese oǵan ený týraly bas tartý máselesin ózekti etip otyrǵan joq. Alaıda Keden odaǵy aıasynda saýda jasaýǵa múddelimiz. Jáne de bizge Keden odaǵyna ený máseleleri boıynsha belsendi jumys isteý kerek», - dedi ol.
Óz sózinde D.Oýen qyrǵyz tarapyna qonaqjaılylyǵy úshin alǵys bildirip, Qyrǵyzstan úkimetiniń qazirgi tańda makroekonomıkalyq turaqtylyqpen qamtamasyz etý salasynda durys jol tańdaǵandyǵyn aıtyp ótti. «Biz sizderdiń eldegi ekonomkalyq jaǵdaıdy turaqtandyrý boıynsha qolǵa alǵan is-qımyldaryńyzdy qoldaımyz. Sizder durys maqsat qoıyp, kerek mindetterdi anyqtadyńyzdar», - dedi ol.
