Qyrǵyzstan Úkimeti eńbek mıgranttarynyń arasynan suranysqa ıe mamandardy qaıtarýǵa múddeli
BІShKEK. 22 shilde. QazAqparat /Arnur Rahymbekov/ - Qyrǵyzstanda respýblıkanyń vıtse-premer mınıstri Ibragım Júnisovtiń qatysýymen sheteldegi qyrǵyz dıasporalary ókilderiniń konferentsııasy ótýde.
Vıtse-premer-mınıstr Qyrǵyzstan úkimetiniń mıgranttary eńbek etip júrgen elderdiń bılik qurylymdarymen otandastarynyń elge qaıtý sharttaryn jaqsartý boıynsha atqaryp jatqan jumysyna nazar aýdartty.
Onyń aıtýynsha, kóptegen qyrǵyz mıgranttary tıisti ruqsat qujatynsyz el aýmaǵynan tys jerde jumys isteıdi.
«Qazirgi tańda úkimet kún kóris úshin shetelge shyǵyp jumys isteıtin qyrǵyz azamattaryn kásibı lıtseılerde oqytý sharalaryn qolǵa alýda, mundaǵy maqsat - olardy jumysqa ıkemdep, belgili bir mamandyq boıynsha sertıfıkat berý», - dep atap ótti I.Júnisov.
Sondaı-aq vıtse-premer-mınıstr kóshi-qon máselelerindegi basty problema - Qyrǵyzstan ishindegi turaqsyz ekonomıkalyq jaǵdaı dep atap ótti.
