Qyrǵyzstan: Túrmeden qashqan asa qaýipti qylmyskerlerge halyqaralyq izdeý jarııalandy
ASTANA. QazAqparat - Shý oblysyndaǵy SIZO-50 bas bostandyǵynan aıyrý ornynan qashqan asa qaýipti qylmyskerlerge halyqaralyq izdeý jarııalandy, dep habarlady seısenbi kúni KırTAG agenttigine Qyrǵyzstan Respýblıkasynyń ІІM-nen.
«Qazirgi kezde búkil respýblıkada jedel-izdeý jumystary jalǵastyrylýda. Qylmyskerlerge sondaı-aq halyqaralyq izdeý jarııalandy. Qazaqstandaǵy tıisti vedomstvolarmen birlesken jumystar júrgizilip jatyr. Birinshi kezekte biz Qazaqstannyń Almaty jáne Jambyl oblystarynyń organdarymen birlesip jumys isteýdemiz», - dep habarlady Qyrǵyzstan Respýblıkasy ІІM-nen.
Qashyp ketken qylmyskerlerdi izdeý jumystaryna búkil jedel qyzmetter jumyldyrylǵan.
Buryn habarlanǵandaı, 12 qazanǵa qaraǵan túni №50 túzeý mekemesinen toǵyz sottalýshy qashyp ketken. Qashý kezinde olar túrmeniń úsh qyzmetkerin qylqyndyryp óltirip, bireýiniń basyn birneshe ret balǵamen soqqylaǵan.
Toǵyz qashqynnyń beseýi ustaldy, olardyń arasyndaǵy jaraqaty bar bireýi aýrýhanaǵa jetkizildi.
Tórteýi bostandyqta júr. Olardyń ekeýi ómir boıy bas bostandyǵynan aıyrý jazasyna kesilgen edi. Ekeýine qatysty tergeý amaldary júrgizilgen. Barlyǵy dinı ekstremızm men lańkestik úshin jaýapkershilikke tartylǵan.
