Qyrǵyzstan Túrkııada zardap shekkenderge qarajat jınaýdy bastady

BІShKEK. QazAqparat – Qyrǵyzstanda Túrkııadaǵy joıqyn jer silkinisinen zardap shekkenderge kómek kórsetý úshin biryńǵaı depozıttik shot ashyldy, dep habarlaıdy QazAqparat tilshisi Qyrǵyzstan Respýblıkasy Prezıdenti Ákimshiliginiń aqparattyq saıasat qyzmetine silteme jasap.

Túrkııa Respýblıkasyna aqsha aýdarymy túrinde óz erkimen kómek kórsetkisi keletin barlyq azamattar úshin «Aıyl Bank» AAQ-da depozıttik shot ashyldy (shot rekvızıtteri: STN 01803199710084, BSK 135001, OKPO 30597768, №1350102119900169 (som, AQSh dollary, eýro), tólem kody 14411100 – «Aǵymdaǵy kómek», maqsaty – Túrkııa Respýblıkasyna erikti azamattar men zańdy tulǵalardyń kómegi).
Qyrǵyzstan Respýblıkasy Tótenshe jaǵdaılar mınıstrliginde 112 nómirimen jedel jeli ashyldy), Qyrǵyzstan Respýblıkasy Prezıdenti Ákimshiliginiń ahýaldyq ortalyǵyna [phone] nómiri boıynsha senim telefony ashyldy.
Qyrǵyzstan Respýblıkasy Prezıdenti ákimshiliginiń basshylyǵy men qyzmetkerleri Túrkııanyń ońtústik-shyǵysynda ótken joıqyn jer silkinisine baılanysty materıaldyq kómek retinde bir kúndik jalaqysyn aýdardy.
Buǵan deıin habarlanǵandaı, Qyrǵyzstan sońǵy málimetter boıynsha 3419 adam qaza taýyp, 20538 adam jaraqat alǵan tabıǵı apattardyń saldaryn joıýǵa Qyrǵyzstan Respýblıkasy Tótenshe jaǵdaılar mınıstrliginiń 63 adamnan turatyn qutqarýshylar tobyn Túrkııaǵa jibergen. Jaqyn arada Qyrǵyzstan Túrkııaǵa a gýmanıtarlyq kómek jibermek.
Avtory: Gúlmıra Ábdirahmanova

Foto: REUTERS