Qyrǵyzstan týraly Ədilbek Jaqsybekov túsken derekti fılmniń ańdatpasy taraldy

ASTANA. QazAqparat - Prezıdent Ákimshiliginiń basshysy Ádilbek Jaqsybekov Qyrǵyzstandaǵy jaǵdaı týraly pikir bildirgen tızer jarııalandy, dep habarlaıdy «QazAqparat» HAA.

Áleýmettik jelide 2011 jyly Qyrǵyzstandaǵy revolıýtsııaǵa arnalǵan derekti fılmniń ańdatpasy tarap ketti. Onyń treılerinde qarý qoldanǵan quqyq qorǵaý qyzmetkerleriniń halyqpen qaqtyǵysy beınelengen. Bul rolıkte osy oqıǵaǵa Qazaqstan Prezıdenti Ákimshiliginiń basshysy Ádilbek Jaqsybekov pikir bildirip jatyr.

«Aıtarlyqtaı qaýip boldy. Bul, árıne, elimizdiń qaýipsizdigi, qorǵanys  qabileti jaǵynan birden qaýip tóndirdi. Bizdiń shekaramyz óte jaqyn...», - dep pikir bildirgen vıdeoda Ádilbek Jaqsybekov.

Fılmniń tıtrynda onyń 29 qarasha kúni saǵat 21:30-da ekranǵa shyǵatyny habarlanǵan. Ony qaı arnadan kórsetetinin avtorlary naqtylamaǵan.