Qyrǵyzstan taýlarynda muzdyq opyryldy
BІShKEK. QazAqparat - Ystyqkól mańyndaǵy taýlardyń Djýýký shatqalynda muzdyq opyryldy, dep habarlaıdy QazAqparattyń menshikti tilshisi Qyrǵyz Respýblıkasynyń Tótenshe jaǵdaılar mınıstrligine silteme jasap.
Muzdyqtyń erýinen Jeti-Ógiz aýdanynyń syrtqy alqabyndaǵy Djýýký asýy opyrylǵany habarlandy. Oqıǵa ornyna Tótenshe jaǵdaılar mınıstrliginiń oblystyq departamentiniń qyzmetkerleri attandy.
Instagram jelisindegi kýáger Garrı Shımmınniń aıtýynsha, muzdyq qulaǵan kezde toǵyz brıtandyq pen bir amerıkalyq týrıster toby Djýýký shatqalynan ótip bara jatqan, bes mınýttan keıin muz basqan jerden ázer ótip úlgergen. Oqıǵa saldarynan eki adam jeńil jaraqat aldy, qaza tapqandar joq.
Djýýký shatqaly - Ystyqkóldiń ońtústik jaǵalaýynda, Qarakól qalasynan 70 shaqyrym jerde ornalasqan jáne Teriskeı-Ala-Too jotasyndaǵy eń uzyny. Kórkem tabıǵaty jáne ádemi kórinisterimen sheteldik týrısterdi tartady.
