Qyrǵyzstan taýar almasý boıynsha Qazaqstannan elektr energııasyn ala bastady
ASTANA. QazAqparat - 2015 jylǵy 15 qyrkúıekten bastap eki memleket arasynda sý sharýashylyǵy men energetıkalyq vedomstvolardyń budan buryn qol jetkizgen ýaǵdalastyqtaryna sáıkes Qyrǵyzstanǵa QR-dan elektr energııasyn qaıtarý júzege asyryla bastady.
2016 jylǵy 19 qyrkúıektegi jaǵdaı boıynsha saǵatyna 6,6 mln kVt kóleminde elektr energııasy qabyldandy. Osy jylǵy qyrkúıektiń aıaǵyna deıin saǵatyna 56,2 mln kVt, qazanda 118,2 mln kVt jáne qarashada 23,1 mln kVt kóleminde elektr energııasyn qabyldaý josparlanýda.
2016 jylǵy 10 qarashada qyrǵyz energojúıesi tamyzda berilgen saǵatyna 197,5 mln kVt alýy tıis ekenin atap ótken jón. Elektr energııasyn qaıtarý kezinde 2016-2017 jyldary kúzgi-kóktemgi kezeńdi ótkerý úshin Toqtoǵul sý qoımasynyń qolaıly kólemi men sý-energetıkalyq teńgerim saqtalatyn bolady.
Eske salsaq, budan buryn osy jylǵy tamyzda taýar aınalymy aıasynda Qazaqstan Respýblıkasyna saǵatyna 197,5 mln kVt kóleminde elektr energııasy berildi.
