20:46, 04 Qarasha 2017 | GMT +5
Qyrǵyzstan tarapynan fıtosanıtarııa talaptaryn buzý faktileri anyqtaldy
ASTANA. QazAqparat - Búgingi tańda karantın qoıylǵan taýarlardy Qyrǵyzstannan elimizge tasymaldaý faktilerin baqylaý kúsheıtildi. Bul týraly QR Aýyl sharýashylyǵy mınıstrliginiń baspasóz qyzmeti habarlady.
Baspasóz málimetterine qaraǵanda, Jambyl oblysynda karantındik ónimderdiń qozǵalysyn baqylaýshy 4 jedel top qurylǵan, onda barlyǵy karantındik ósimdikter salasy boıynsha 30 ınspektor qyzmet etýde.
Fıtosanıtarııalyq talaptar kúsheıtilgeli beri 8124,534 tonna taýary bar 736 júk kóligi tekserilip, ósimdik karantıni talaptaryn buzýdyń 121 faktisi, fıtosanıtarııalyq talaptardy buzýdyń 74 faktisi anyqtaldy. Olardyń 8-i boıynsha 295 myń teńge kóleminde aıyppul salynyp, 115 fakti boıynsha taýar Qyrǵyzstanǵa qaıtarylǵan.
4 qarasha kúni barlyǵy 3 zań buzý áreketi tirkeldi.