Qyrǵyzstan syrttan tasymaldanatyn júkterdiń radıatsııa deńgeıin baqylaýdy kúsheıtti
BІShKEK. QazAqparat - Qyrǵyzstanda osy jyldyń 15 mamyrynan temir jol arqyly syrttan tasymaldanatyn júkterdiń radıatsııa deńgeıin baqylaý kúsheıtiledi.
QR úkimeti janyndaǵy memlekettik kedendik qyzmet ókilderiniń habarlaýynsha, halyqaralyq temir jol júgi týraly kelisimge sáıkes, «Qyrǵyz temir joly» kompanııasy Qazaqstan, Túrkimenstan, Ózbekstan jáne QHR temir joldar basshylyǵyna júk tasymalymen aınalysatyn júkti joldaýshylardyń atynan olardy porttar men ekspedıtorlyq kompanııalardan qabyldaǵan kezde júkterdiń radıatsııa deńgeıin baqylaý qajettigi jaıly habarlama joldaǵan. Osy elderdiń temir jol kompanııalary, sonyń ishinde «Qazaqstan temir joly» AQ syrtqy ekonomıkalyq qyzmette tıelgen júkke qatysty sol elderdiń quzyrly organdarymen berilgen radıatsııalyq baqylaý aktileri bar qosymshany talap etýleri kerek.
Habarlamada 2014 jyldyń 15 mamyrynan «Lýgovaıa» temir jol pýnkti boıynsha engiziletin júkter radıatsııalyq baqylaý akt qosymshasynsyz qabyldanbaıdy.
Atap ótý kerek, júkterdiń qujattaryn daıyndaýdaǵy engiziletin ózgerister belgili bir sebepke baılanysty bolyp otyr. Osyǵan deıin Qyrǵyzstanǵa Qazaqstannan jetkizilgen kómir partııasynda radıtsııa joǵary bolǵan. Atalǵan fakt qoǵamda úlken narazylyq týdyrdy.
