Qyrǵyzstan shetelden ákelinetin kólik salyǵyn tómendetti
BІShKEK. QazAqparat -Qyrǵyzstanda shetelden ákelinetin kólikterge salynatyn keden bajynyń jarnasy tómendedi, dep habarlaıdy Kabar.
Úkimettiń sáıkes qaýlysyna Qyrǵyz Respýblıkasynyń premer-mııstri Muhammedkalyı Abylǵazıev qol qoıdy.
Agenttik habarlaǵandaı, dál osyndaı sheshim jeke tulǵalardy elektrlik jáne gıbrıdtik qozǵaltqyshtaǵy avtokólikterdi jetkizýge yntalandyrýǵa, tozyǵy jetken kólikterdiń sanyn qysqartýǵa, sondaı-aq eldiń avtomobıl parkin jańartýǵa baǵyttalǵan.
Aıtalyq, Úkimettiń atalǵan qaýlysy negizinde keden bajynyń biryńǵaı mólsherlemesi, benzın jáne dızelmen júretin avtokólikterine qatysty keden bajy men salyqtardyń biryńǵaı kólemi 2014 jylǵy deńgeıge deıin tómendetildi.
