Qyrǵyzstan shekarasynda terakt uıymdastyrmaqshy bolǵan top ustaldy
ASTANA. Qaz Aqparat - Qyrǵyzstan memlekettik qaýipsizdik qyzmetkerleri qoǵamdyq-saıası ahýaldy turaqsyzdandyrý úshin memlekettik shekara aýmaǵynda birneshe terakt uıymdastyrýdy josparlaǵan halyqaralyq terrorıstik uıym múshelerinen quralǵan topty ustady, dep habarlaıdy trend.az Qyrǵyzstannyń memlekettik ulttyq qaýipsizdik komıtetiniń baspasóz qyzmetine silteme jasap.
«Ustalǵan halyqaralyq terrorıstik uıym músheleriniń qoǵamdyq-saıası ahýaldy turaqsyzdandyrý úshin memlekettik shekara aýmaǵynda qoldan jasalǵan jarylǵysh quraldardy jáne atys qarýyn qoldaný arqyly birneshe terakt uıymdastyrýdy josparlaǵany anyqtaldy», - dep habarlady vedomstvonyń baspasóz qyzmeti.
«Qylmystyq is qozǵaldy. Ýaqytsha ustaý oqshaýlaǵyshyna terrorıstik toptyń tórt múshesi qamaldy», - dep atap ótti baspasóz qyzmetindegiler.
