Qyrǵyzstan Reseıden Oshqa áskerı kúsh kirgizýin suraýda
ASTANA. Maýsymnyń 12-si. QazAqparat - Qyrǵyzstan Ýaqytsha úkimetiniń basshysy Roza Otynbaeva Reseıden bitimgershilik kómek surady. Bul týraly RBK agenttigi habarlap otyr.
Úkimet basshysynyń aıtýynsha, Osh qalasyndaǵy jaǵdaı sońǵy ýaqytta shuǵyl ýshyǵyp ketken, bul aldyn ala boljanbaǵan zardaptarǵa ákelýi múmkin. «Bizge basqa elderden áskerı kúsh kirgizý qajet. biz Reseıden kómek suradyq. RF Prezıdenti Dmıtrıı Medvedevtyń atyna jazylǵan osyndaı hatqa qazirgi ýaqytta meniń qolym qoıyldy», dedi ol.
«Barlyq kúsh-jigerimiz bizge janjal aýmaǵyndaǵy ahýaldy baqylaýǵa alýǵa kómektesedi dep senemiz», dedi óz málimdemesinde R.Otynbaeva.
Esterińizge sala keteıik, sońǵy málimetter boıynsha, Qyrǵyzstannyń ońtústigindegi jappaı tártipsizdik saldarynan keminde 49 adam qaza tapqan, jaralylardyń sany shapshań ósý ústinde jáne taıaý arada myńǵa jetýi múmkin. Oqıǵany kózben kórgender qazirdiń ózinde júzdegen adamnyń qaza bolǵandyǵyn habarlap otyr. Alaıda bul aqparat áli resmı rastalǵan joq.
