Qyrǵyzstan Reseı jalǵa alyp otyrǵan polıgondy Úndistanǵa berýge qarsy emes
ASTANA. 18 jeltoqsan. QazAqparat - Qyrǵyzstannyń Úkimeti Ystyq kólde torpedany synaý úshin polıgondy jalǵa alý jóninde Úndistannyń usynysyn qarastyrýy múmkin.
Bul týraly QR Premer-mınıstri Jantoro Satybaldıev Úkimettiń 100 kúndik jumysynyń qorytyndysyn shyǵarý boıynsha Bishkekte ótken baspasóz konferentsııada málim etti, dep habarlady Rosbalt.
Ol atap ótkendeı, Qyrǵyzstanǵa bul jóninde resmı usynystar túspegen.
«Egerde mundaı usynystar túsip jatsa, biz ony qarastyratyn bolamyz», - dedi Satybaldıev.
Buǵan deıin Bishkektegi Úndistan ókilderine silteme jasaı otyryp habarlanǵandaı, Qyrǵyzstandaǵy, atap aıtqanda Ystyq kóldegi polıgon (synaq alańy) aldaǵy on jyl ishinde Úndistanǵa jalǵa berilýi múmkin. Aıta keteıik, qazirgi ony Reseı jalǵa alyp, «Shkval» sý asty jyldam zymyran-torpedasyn synaýda. Derekkózderdiń málimetterine qaraǵanda, polıgon 2013 jyly Úndistanǵa jalǵa berilýi múmkin.
Sondaı-aq Reseı Qyrǵyzstanda birneshe áskerı nysandy jalǵa alyp otyr. Reseı bul nysandar úshin Qyrǵyzstanǵa jylyna 4,5 mln. dollar qarjy tóleıdi.
