Qyrǵyzstan prezıdenttigine úmitker saılaýǵa qatyspaıtynyn málimdedi
BІShKEK. QazAqparat - Ázimbek Beknazarov keshe keshke bolǵan televızııalyq pikirtalas kezinde prezıdent laýazymyna talasýdan bas tartqanyn málimdedi, dep habarlaıdy «QazAqparat» HAA tilshisi.
«Fınalǵa jaqyn qalǵanda úmitkerlerdiń baǵdarlamalary, ıdeıalary, platformasy emes, olardyń aqshalary ǵana mánge ıe bolyp qaldy. Sondyqtan men saılaýǵa qatyspaımyn dep sheshtim», - dedi saıasatker.
Alaıda, ortalyq saılaý komıssııasy Beknazarovty tizimnen alyp tastaı almaıdy. Sebebi ol OSK-ǵa saılaýǵa qatyspaý týraly ótinishti úsh kún qalǵanda, beısenbi kúni berý kerek bolǵan. Biraq, Ázimbek Beknazarovtan ondaı ótinish túspegen. Sondyqtan úmitkerdiń tegi bıýlletenderden alynyp tastalmaıdy, zańnamalyq turǵyda ol prezıdent laýazymyna úmitker bolyp qala bermek. Osylaısha, Qyrǵyzstan prezıdenti saılaýyna qatysýǵa daıyn 10 úmitker qaldy. Daýys berý 2017 jyldyń 15 qazanyna belgilengen.
