Qyrǵyzstan prezıdenttigine 7 úmitker tirkeldi
ASTANA. 22 qyrkúıek. QazAqparat - Qyrǵyzstan prezıdenttigine úmitker retinde 7 adam tirkeldi. Mundaı sheshim búgin Saılaý jáne referendým ótkizý jónindegi Ortalyq komıssııanyń májilisinde qabyldandy, dep habarlaıdy «24.kg» aqparat agenttigi.
Búgin myna úmitkerlerge kýálik berildi, olar: Qýbatbek Baıbolov, Marat Sultanov, Temirbek Asanbekov, Roman Omorov, Ómirbek Sývanalıev, Anarbeký Kalmatov jáne Shamshybek Medetbekov.
Qyrǵyzstanda Prezıdent saılaýy 30 qazanǵa belgilengen.
Qyrǵyzstan Prezıdenti 6 jyl merzimge saılanady. Úmitkerdiń jasy 35-ten kishi, 70-ten úlken bolmaýy tıisti. Respýblıka azamaty sol memlekette kem degende osy kúnge deıin 15 jyl turýy qajet.
